“[ಅಹಮದಾಬಾದ್ ಕಾರ್ಯಕ್ರಮವು] ಇದುವರೆಗೆ ನನಗೆ ದೊರೆತ ಅನುಭವಗಳಲ್ಲೇ ಅತ್ಯಂತ ಸಮೃದ್ಧಗೊಳಿಸಿದ ಮತ್ತು ಮನಸ್ಸಿಗೆ ನೆಮ್ಮದಿ ನೀಡಿದ ಅನುಭವವಾಗಿದೆ. ಸ್ವಾಮಿ ಚಿದಾನಂದಜೀಯವರೊಂದಿಗೆ ಧ್ಯಾನ ಮಾಡಲು, ದಿವ್ಯ ಭಜನೆಗಳನ್ನು ಹಾಡಲು ಮತ್ತು ಆನಂದಮಯ ಸತ್ಸಂಗದ ಭಾಗವಾಗಲು ಅವಕಾಶ ದೊರೆತಿರುವುದಕ್ಕಾಗಿ ನಾನು ದೈವಿಕ ಆಶೀರ್ವಾದವನ್ನು ಪಡೆದವನಾಗಿ, ಅತ್ಯಂತ ಕೃತಜ್ಞನಾಗಿದ್ದೇನೆ... ಈ ಅನುಭವವು ನನ್ನ ಹೃದಯವನ್ನು ಪ್ರೀತಿ ಮತ್ತು ಆನಂದದ ಸಾಗರದಿಂದ ತುಂಬಿತು... ನನ್ನ ಆಧ್ಯಾತ್ಮಿಕ ಪ್ರಯಾಣವನ್ನು ನನ್ನ ಅಂತರಂಗದ ಅತ್ಯಂತ ಆಳವಾದ ಮಟ್ಟಕ್ಕೆ ಕೊಂಡೊಯ್ದ ನಿಮ್ಮ ದೈವಿಕ ಸಾನ್ನಿಧ್ಯಕ್ಕಾಗಿ ಸ್ವಾಮಿ ಚಿದಾನಂದಜೀಯವರೇ, ಧನ್ಯವಾದಗಳು.”

“ನೊಯ್ಡಾದಲ್ಲಿ ಸ್ವಾಮಿ ಚಿದಾನಂದಜೀಯವರು ‘ಆಧ್ಯಾತ್ಮಿಕ ದ್ಯುತಿಸಂಶ್ಲೇಷಣೆ’ ಕುರಿತು ಮಾತನಾಡಿದ ಧ್ಯಾನ ಮಂದಿರದಲ್ಲಿನ ಪ್ರಬಲ ಆಧ್ಯಾತ್ಮಿಕ ಕಂಪನಗಳನ್ನು ಸ್ಪಷ್ಟವಾಗಿ ಅನುಭವಿಸಬಹುದಾಗಿತ್ತು. ಆ ಪ್ರವಚನವು ಮುಗಿಯುವುದನ್ನೇ ನಾವು ಬಯಸಲಿಲ್ಲ! ಅಂದು ಅವರು ಆಡಿದ ಮಾತುಗಳ ಅರ್ಥ ಮತ್ತು ಮಹತ್ವವನ್ನು ಸಂಪೂರ್ಣವಾಗಿ ಗ್ರಹಿಸಲು ನಮ್ಮೆಲ್ಲರಿಗೂ ವರ್ಷಗಳೇ ಬೇಕಾಗಬಹುದೇನೋ! ಈ ಕಾರ್ಯಕ್ರಮವನ್ನು ಪ್ರತ್ಯಕ್ಷವಾಗಿ ಅನುಭವಿಸಲು ಅಲ್ಲಿ ಉಪಸ್ಥಿತರಿರಲು ಸಾಧ್ಯವಾದುದಕ್ಕಾಗಿ ನಾವು ಕೃತಜ್ಞರಾಗಿದ್ದೇವೆ.”

“ಸನ್ಯಾಸಿಗಳು ಮತ್ತು ಭಕ್ತರ ಸಾನ್ನಿಧ್ಯದಲ್ಲಿ ಗೌರವಾನ್ವಿತ ಸ್ವಾಮಿ ಚಿದಾನಂದಜೀಯವರೊಂದಿಗೆ [ಚೆನ್ನೈಯಲ್ಲಿ] ನಡೆದ ತಲ್ಲೀನಗೊಳಿಸುವ ಒಂದು ದಿನದ ಕಾರ್ಯಕ್ರಮವು ಸಂತೋಷದಾಯಕ ಅನುಭವವಾಗಿತ್ತು... ಹಾಗೆಯೇ, ವೇಗವಾಗಿ ಸಾಗುತ್ತಿರುವ ಆಧುನಿಕ ಜಗತ್ತಿನಲ್ಲಿ ಜೀವನದ ಏಳುಬೀಳುಗಳನ್ನು ಎದುರಿಸುತ್ತಿರುವ ಯುವಕನಾಗಿ, ಗುರುಜೀಯವರ ಕ್ರಿಯಾಯೋಗ ಬೋಧನೆಗಳು ಹೇಗೆ ಶಾಶ್ವತ ಆಶ್ರಯವನ್ನು ಒದಗಿಸುತ್ತವೆ ಎಂಬುದರ ಕುರಿತು ಸ್ವಾಮಿ ಚಿದಾನಂದಜೀಯವರು ನೀಡಿದ ಒಳನೋಟಗಳು ನನಗೆ ಅಮೂಲ್ಯವಾದ ಭರವಸೆಯನ್ನು ನೀಡಿದವು. ಈ ಕಾರ್ಯಕ್ರಮವು ಗುರುಜೀಯವರಿಂದ ದೊರೆತ ಅಮೂಲ್ಯ ಆಶೀರ್ವಾದವಾಗಿ ನನ್ನ ಹೃದಯದಲ್ಲಿ ಎಂದೆಂದಿಗೂ ಅಚ್ಚಳಿಯದೆ ಉಳಿಯುತ್ತದೆ”

“ಸ್ವಾಮಿ ಚಿದಾನಂದಜೀಯವರ ಒಂದು ದಿನದ ಕಾರ್ಯಕ್ರಮವು ಒಂದು ಪರಿವರ್ತನಾತ್ಮಕ ಅನುಭವವಾಗಿತ್ತು... ಮೂರು ಗಂಟೆಗಳ ಧ್ಯಾನವು ಅತ್ಯಂತ ಆಳವಾದ ಮತ್ತು ಶಾಂತಿಯುತ ಅನುಭವವನ್ನು ನೀಡಿತು... ನನ್ನ ಅನುಮಾನಗಳು ಕರಗಿಹೋಗುತ್ತಿರುವಂತೆ, ನನ್ನಲ್ಲಿ ಅಪಾರವಾದ ನಿರಾಳತೆ ಮತ್ತು ವಿಶ್ವಾಸದ ಭಾವನೆ ಮೂಡಿತು. ಅವರ ಭೇಟಿಯು ಕೇವಲ ಒಂದು ಕಾರ್ಯಕ್ರಮವಾಗಿರಲಿಲ್ಲ; ಅದೊಂದು ಜಾಗೃತಿಯಾಗಿತ್ತು. ಅವರ ಮಾತುಗಳು, ಅವರ ಸಾನ್ನಿಧ್ಯ ಮತ್ತು ಅಲ್ಲಿ ನೆರೆದಿದ್ದವರ ಸಾಮೂಹಿಕ ಆಧ್ಯಾತ್ಮಿಕ ಶಕ್ತಿಯು ಎಂದೆಂದಿಗೂ ಉಳಿಯುವಂತಹ ಅನುಭವವನ್ನು ಸೃಷ್ಟಿಸಿತು.”

“ಗುರುಜಿ ಮತ್ತು ವೈಎಸ್ಎಸ್ ಪ್ರತಿಪಾದಿಸುವ ಪ್ರತಿಯೊಂದು ಮೌಲ್ಯವೂ ಆ ಕಾರ್ಯಕ್ರಮದಲ್ಲಿ ಪ್ರತಿಬಿಂಬಿತವಾಗಿತ್ತು — ಸಹಾನುಭೂತಿ, ಕ್ರಮಬದ್ಧತೆ, ಸೌಜನ್ಯ, ಪ್ರಶಾಂತತೆ, ಹೀಗೆ ಇನ್ನೂ ಹಲವಾರು. ಸ್ವಾಮಿ ಚಿದಾನಂದಜೀಯವರನ್ನು ಪ್ರತ್ಯಕ್ಷವಾಗಿ ನೋಡುವ ಅವಕಾಶವೊಂದನ್ನು ಹೊರತುಪಡಿಸಿ, ಬೇರೆ ಯಾವುದೇ ನಿರೀಕ್ಷೆಯೊಂದಿಗೆ ನಾನು ಕಾರ್ಯಕ್ರಮಕ್ಕೆ ಬಂದಿರಲಿಲ್ಲ. ಆದರೆ, ನಾನು ಎಂದಿಗೂ ಊಹಿಸಿರದ ಅನೇಕ ಅಮೂಲ್ಯ ಸಂಗತಿಗಳನ್ನು ಪಡೆದುಕೊಂಡು ಹಿಂದಿರುಗಿದೆ.”

“ನನ್ನ ಕುಟುಂಬದೊಂದಿಗೆ [ಬೆಂಗಳೂರಿನ] ಸತ್ಸಂಗದಲ್ಲಿ ಭಾಗವಹಿಸುವುದು ನಮ್ಮ ವೈಯಕ್ತಿಕ ಆತ್ಮಸಾಕ್ಷಾತ್ಕಾರದ ಹಾದಿಯನ್ನು ಬಲಪಡಿಸಿತು ಮಾತ್ರವಲ್ಲದೆ, ನಮ್ಮ ಪರಸ್ಪರ ಬಂಧವನ್ನು ಮತ್ತಷ್ಟು ಆಳಗೊಳಿಸಿತು. ಆತ್ಮಸ್ಪರ್ಶಿಯಾದ ಮಾತುಗಳು, ಒಟ್ಟಾಗಿ ಹಂಚಿಕೊಂಡ ಮೌನದ ಕ್ಷಣಗಳು ಮತ್ತು ಸಹಭಕ್ತರ ಅಚಲವಾದ ಬದ್ಧತೆಯು ನಮ್ಮಲ್ಲಿ ಹೊಸ ಪ್ರಜ್ಞೆ ಮತ್ತು ಆಂತರಿಕ ಶಾಂತಿಯನ್ನು ತುಂಬಿತು. ಈ ಪರಿವರ್ತನಾತ್ಮಕ ಅನುಭವವು ನಮ್ಮ ಚೈತನ್ಯವನ್ನು ಮರುಜೀವಗೊಳಿಸಿ, ನಮ್ಮ ಹೃದಯಗಳಲ್ಲಿ ಅಚ್ಚಳಿಯದ ಮುದ್ರೆಯನ್ನು ಮೂಡಿಸಿತು — ಆಧ್ಯಾತ್ಮಿಕ ಸಾಧನೆಯ ನಿರಂತರ ಶಕ್ತಿ ಮತ್ತು ಅದು ನಮ್ಮ ಜೀವನದ ಪ್ರತಿಯೊಂದು ಅಂಶಕ್ಕೂ ತರುವ ಬೆಳಕು ಹಾಗೂ ಆನಂದವನ್ನು ಸದಾ ನೆನಪಿಸುವಂತಾಯಿತು.”

“ಎಲ್ಲರೂ ಸ್ಪಷ್ಟವಾಗಿ ಗಮನಿಸಬಹುದಾಗಿದ್ದ ಸಂಗತಿಯೆಂದರೆ, [ಸ್ವಾಮೀಜಿಯವರ] ಸರಳತೆ ಮತ್ತು ಗುರುಜೀಯವರ ದೈವಿಕ ಪ್ರೀತಿಯನ್ನು ಹೊರಸೂಸುತ್ತಿದ್ದ ಅವರ ಸಾನ್ನಿಧ್ಯ. ಅವರ ಸಾನ್ನಿಧ್ಯದ ಆಶೀರ್ವಾದವನ್ನು ಪಡೆಯುವ ಸುಯೋಗ ಪಡೆದ ನಾವೆಲ್ಲರೂ, ಈ ಅನುಭವವನ್ನು ನೇಪಾಳಕ್ಕೆ ನಮ್ಮ ಗುರುವಿನಿಂದ ದೊರೆತ ವಿಶೇಷ ಆಧ್ಯಾತ್ಮಿಕ ಕೊಡುಗೆಯಾಗಿ ಎಂದೆಂದಿಗೂ ಹೃದಯದಲ್ಲಿ ಕಾಪಾಡಿಕೊಳ್ಳುತ್ತೇವೆ. ಜೈ ಗುರು.”