YSS இமயமலையில் உள்ள ஒரு அழகான வளாகத்தில் கோடைக்கால முகாம்களை நடத்துகிறது (குழந்தைகள் மற்றும் பதின்ம வயதினருக்காக, மே 31 – ஜூன் 6, 2026)

[எங்கள் மகன்] வீட்டிற்கு வந்ததும், முகாமில் தான் கற்றுக்கொண்ட மற்றும் அனுபவித்த அற்புதமான விஷயங்களைப் பற்றி இடைவிடாமல் பேசிக்கொண்டே இருந்தான். நான் வழக்கமாக ஹாங்-ஸா பயிற்சியைச் செய்கிறேனா என்று அவன் என்னிடம் கேட்டான். அங்கிருந்த தன்னார்வலர்களால் மிகவும் ஈர்க்கப்பட்ட அவன், தானும் பிற்காலத்தில் ஒரு தன்னார்வலராக மாற விரும்புகிறான்.

நேற்று என் மகள்கள் திரும்பி வந்தபோது, ​​அவர்கள் தங்கள் அனுபவங்களைப் பகிர்ந்துகொள்வதையும், நாள் முழுவதும் கீதமிசைப்பதையும் காண்பது மிகுந்த மகிழ்ச்சியை அளித்தது. அவர்கள் மிகுந்த ஆர்வத்துடன் கீதமிசைத்து வருகின்றனர்; அது அவர்கள் வாழ்வில் கொண்டு வந்துள்ள நேர்மறையான ஆற்றலை என்னால் இப்போதே காண முடிகிறது. காலப்போக்கில், இந்த உன்னதமான பயிற்சிகள் அவர்களின் ஆழ்மனதில் ஆழமாகப் பதிந்துவிடும் என்பதை நான் அறிவேன். அவர்கள் தங்கள் அனுபவங்களான, ஸ்வாமிஜி என்ன கூறினார், குழுத் தலைவர் அவர்களை எவ்வாறு வழிநடத்தினார் மற்றும் அவர்கள் இதயம் தொட்ட அனைத்து சிறிய தருணங்களையும் என்னிடம் பகிர்ந்து கொள்வதைக் கேட்பது எனக்கு அளவற்ற மகிழ்ச்சியை அளித்தது.

முகாமிலிருந்து திரும்பிய என் மகனிடம் வியக்கத்தக்க வகையில் நேர்மறை மனப்பான்மையையும், புதிய தன்னம்பிக்கையையும் மகிழ்ச்சியையும் கண்டேன். அவன் மீது அந்த முகாம் ஏற்படுத்தியுள்ள நேர்மறைத் தாக்கத்தைக் காண்பது உண்மையிலேயே மனத்தை நெகிழச் செய்கிறது. குழுவினர் காட்டிய அர்ப்பணிப்பு, அக்கறை, வழிகாட்டுதல் மற்றும் ஏற்பாடுகள் மிகச் சிறப்பாக இருந்தன. குழந்தைகளுக்காக இத்தகைய அர்த்தமுள்ள மற்றும் பயனுள்ள அனுபவத்தை உருவாக்க அவர்கள் செலவிட்ட நேரத்தையும் முயற்சியையும் நாங்கள் மனதாரப் பாராட்டுகிறோம்.

உடனடி நிறைவு தேடும் இந்த வேகமான உலகில், இந்த முகாம் தம்மைச் சுற்றியும் தமக்குள்ளும் நோக்க குழந்தைகளுக்கு எந்தவித கவனச்சிதறல்களும் அற்ற ஓர் அற்புதமான சூழலை வழங்கியது.

இந்த நிகழ்ச்சியில் நான் மிகவும் ரசித்த விஷயம் என்னவென்றால், அக்கறையும் நற்பண்புகளும் நிறைந்த சூழலில் ஆன்மீகம், ஒழுக்கம், கற்றல், மகிழ்ச்சி, சுதந்திரம் மற்றும் உணர்வுப்பூர்வமான வளர்ச்சி ஆகியவை சரிசமமாக குழந்தைகளுக்கு அழகுடன் அளிக்கப்பட்டதுதான். குழந்தைகள் தங்களுடனும், பிறருடனும், குருஜியின் போதனைகளுடனும் மிகவும் இயல்பாகவும் மகிழ்ச்சியாகவும் தொடர்புகொள்ள உதவும் வகையில், இந்த முகாமின் ஒவ்வொரு அம்சமும் மிகுந்த சிந்தனையுடன் அமைக்கப்பட்டிருந்தது.

கடந்த ஐந்து ஆண்டுகளாக, NCC மூலம் பள்ளி மற்றும் கல்லூரி மாணவர்களுக்கான முகாம்களை நான் தனிப்பட்ட முறையில் நடத்தி வருகிறேன். 10 நாட்கள் நடைபெறும் ஒவ்வொரு முகாமிலும் 500 மாணவப் படைவீரர்கள் பங்கேற்பார்கள். ஆண்டுக்கு ஐந்து முறை நாங்கள் இத்தகைய முகாம்களை நடத்துகிறோம். இருப்பினும், சிறந்த நோக்கங்கள் இருந்தும் மாணவர்களை ஆன்மீகரீதியாகத் தூண்ட விரும்பியபோது கூட, அது எங்களால் இயலவில்லை. ஆனால், எங்களால் சாதிக்க முடியாததை ஷூலினியில் நடைபெற்ற YSS முகாம் சாதித்தது. குழந்தைகள் தங்கள் உள்ளார்ந்த ஆன்மீக பரிமாணத்தை உணரும் வாய்ப்பைப் பெற்றதன் மூலம் பயனடைந்தனர். YSS அமைப்பு என் மகனுக்கு வழங்கிய இந்த ஆன்மீகப் பரிசிற்காக என் உணர்வுகளை போதுமான வார்த்தைகளால் முழுமையாக விவரிக்க இயலவில்லை.